تعتبر اغنية ظلموكي البشر غناها اسماعيل تمر وتحكي عن الواقع الاليم الذي يحدث في سوريا
حيث أنها من الاغانى المؤثر
ظلموكي البشر نزلو فيكي تدمير لما شافو جمالك غارو منك كتير
عليكي زادو ظلمن الشام بكيت يابا دول العالم صارت لعنا تبعت شبابا
الطفل الرايح ع مدرستو عم يودع امو خايف من قذيفة طايشة لتنزل تلمو
مشتاق ارجع اطلع ع حلب بلا هوية مشتاق شوف زحمة عيد بسوق الحمدية
متمني اخذف من ذاكرتي صوت المدفعية وادعس ع الدولار وارفع الليرة السورية
متمني شوف آخر رصاصة ولو كانت بجسمي متمني ارجع على حارة فيا كاتب اسمي
متمني ارجع طفل صغير والطابة بايدي نادي للشرطي عمو ما ناديلو سيدي
اي تابع توم وجيري مو بانكيمون وكيري كان بصفي قاعد اللادقاني جنب الديري
تابع اخبار حتى شوف النشرة الجوية ما شوف رفيقي السوري مات برصاصة سورية
والله مسرحية هالدنيا مسرحية سكرو الستارة عتمت مية بالمية
والام السورية لسا ما نشفو دموعا والله لنبكي دم على سورية الموجوعة
اخبار رام الله وغزة كنا نشوفا ع الجزيرة وهلق بلش بسورية لينسونا السيرة
اي بكرة لما تنتصر سورية وراسا مرفوع ايدي بايدك يا سوري رح نعمرا ما في
رجوع
مكان الدم الي انسكب رح نرجع نشعل شموع وتجمعنا محبة الله بين محمد ويسوع
بجامع جنب كنيسة بباب شرقي رح بيضلو واللي بدون طائفية من سورية فلو
اي اوكسجين الغربة ضرني مياتو ما روتني من مية عين الفيجة الشام ياما سقتني سورية
يا حنونة اصرخي
صمتك قتلني عم يموتو ولادك يا امي سكوتك دبحني
مشان الله شكيلي
همك انا المواطن ابنك الي راجع حتى ضمك وقضي حياتي يمك
خبيكي بين ضلوعي بحميكي من رصاصة طايشة شعبك مستعد يموت كلو حتى تبقي عايشة
حركتي العالم كلو بس من فخامة اسمك سلاح الدنيا كلا والله ما بيشوه رسمك
سورية بدا ولادا مانا بحاجة للغريب يلي عم تجاهد عنا ليش نسيو تل ابيب القدس
عم تنادي يا عرب انتو ولادي
ردت سورية وقالت لا لا تنادي ع الفاضي
حكام العالم جاعت شافت سورية وليمة
الكرة الأرضية من دون سورية مالا قيمة صرت بحبك اناني انا يا ويل حالي فليسقط
العالم من بعدك انتي مافي غالي
سورية شدي حيلك قومي بكرة رح نبنيكي لملمي دمعاتك لا تبكي الله يخليكي
بكرة الربيع جايي ليفتح زهورك وكل انسان وقف ضدك رح يتمنى يزورك
بالامة العربية في 25بالمية معنا والباقي كلو ضدنا هي حال مجتمعنا
كلمه ظلموكي البشر
- ظلموكي البشر كلمات
- كلمات اغنية ظلموكي البشر
- كلمات اغنية ظلموكي البشر اسماعيل تمر
